Charter Document - 03430204
| Charter Number: | 03430204 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Calendar, Episcopal |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Angl illustri domino Hibern et duci Aquit Willelmus eiusdem permissione Norwicensis ecclesie minister humilis salutem in eo per quem reges regnant et potentes reddunt iustitiam Cum Ranulphus Digge de Aldeburgh Adam Digge Willelmus Brodeye Willelmus le Knottere Adam Waryn Godefridus molendinarius de eadem et Willelmus Lowys de Dunewico auctoritate nostra ordinaria sententia maioris excommunicationis propter suam manifestam et multiplicatam contumaciam pariter et offensam sint innodati et in eadem per quadraginta dies et amplius gregem dominicum nequiter contaminando stare non formident animo indurato claves ecclesie pertinaciter contempnendo celsitudinem vestram regiam humiliter duximus exorandam quod cum ecclesia Dei non habeat ultra quid faciat in hac parte eosdem excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora longiora In cuius rei testimonium presentibus sigillum nostrum duximus apponendum Dat apud Wymbeldon xi kalendas Augusti anno Domini MCCLXX octavo et consecrationis nostre primo