Charter Document - 03430203
| Charter Number: | 03430203 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Episcopal |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwicensis episcopus salutem in eo per quem reges regnant et potentes reddunt iustitiam Cum Robertus Scrivor de Aldeburgh Robertus le Blake Robertus Bricherich Gilbertus Bolle et Iohannes molendinarius de eadem sint per nos auctoritate ordinaria propter eorum manifestam contumaciam et offensam maioris excommunicationis sententia innodati et in eadem sententia perseveraverint per quadraginta dies et amplius animo indurato claves ecclesie pertinaciter contempnendo ac ecclesia Dei nil habeat quid ulterius faciat de eisdem excellentiam vestram attentius exoramus quatinus excommunicatos huiusmodi per potestatem regiam compescere dignemini ut quos Dei timor a malo non revocat potestatis secularis severitas cohibeat a peccato Vigeat et valeat vestra excellentia per tempora longiora Datum apud Aldham in dioecesi Roffense nonis Iulii anno Domini MCCLXX octavo et consecrationis nostre primo