Charter Document - 03430198
| Charter Number: | 03430198 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1278 - 1288 |
| Date type: | Assigned |
| Resource Link(s): |
|
Charter:
Memorandum quod cum dudum inter Willelmum de Oxewyk presbiterum actorem ex parte una et magistrum Martinum de Castello reum ex altera super ecclesia de Colkirke coram nobis Willelmo permissione divina Norwycensi episcopo orta fuisset materia questionis tandem quia placuit partibus ipsis laboribus parcere et expensis et se ac iura sua hinc inde que habuerunt in dicta ecclesia nostre ordinationi alte et basse submittere renuntiando in hac parte omnibus litibus motis vel movendis litteris etiam apostolicis inpetratis vel inpetrandis et omnibus et singulis rebus et remediis per que huiusmodi nostra ordinatio infringi possit vel aliquatenus infirmari nos ordinationis predicte onus in nos suscipientes ponderatis hinc inde partium meritis quia ipsum magistrum Martinum inspeximus iam senio confractum nec regimini cure ecclesie predicte ut teneretur posse sufficere ordinavimus quod dictus Willelmus de Oxewyk presbiter dictam ecclesiam cum suo onere habeat et possideat in futurum prefato magistro Martino super eadem perpetuum silentium inponentes Attendentes siquidem dicti magistri Martini merita et laudabilem conversationem pariter alia virtutum insignia que in ipso non latent ordinavimus quod idem magister Martinus a memorato Willelmo rectore ecclesie de Colkirke de fructibus eiusdem ecclesie viginti quatuor marcas de consensu ipsius Willelmo London ad duos anni terminos videlicet [ad] Pentecosten et ad festum beati Martini in yeme pro equalibus portionibus quoad vixerit nomine pensionis ad sui sustentationem percipiat annuatim iudicaria nobis potestate prefatum Willelmo ad solutionem ipsius pensionis ipsis loco et terminis faciendam si necesse fuerit compellendi specialiter reservata In cuius [] Datum [] Anno []