Charter Document - 03430196
| Charter Number: | 03430196 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
|
Charter:
Willelmus permissione divina Norwicensis episcopus dilectis in Cristo filiis priori seu rectori et fratribus ordinis sancti Augustini de Clare salutem gratiam et benedictionem Devotionis vestre precibus inclinati ut aream ecclesie vestre propinquam quam pro sepultura fratrum apud vos decedentium provisam asseritis per quemcumque episcopum catholicum apostolice sedis gratiam obtinentem ad usum prescriptum facere possitis consecrari quantum ad nos pertinet liberam vobis concedimus facultatem episcopo quem ad hoc procuraveritis faciendi vices nostras in premissis tenore presentium committendo Datum apud Chippeham x kalendas Martii anno Domini millesimo CCLXX octavo consecrationis nostre anno primo