Charter Document - 03430194
| Charter Number: | 03430194 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Pledge |
| Date: | 1278 |
| Date type: | Internal, A.D. |
| Resource Link(s): |
|
Charter:
Universis Cristi fidelibus ad quos presens scriptum pervenerit Willelmus de Middelton divina permissione Norwicensis electus salutem in Domino sempiternam Noverit universitas vestra quod cum venerabiles viri Thomas divina miseratione prior ecclesie Cristi Cantuariensis et eiusdem loci capitulum ad precium nostrarum instantiam de eorum gratia speciali nobis concesserint ut alibi quam in ecclesia Cantuariensi matrice nostra munus consecrationis suscipere possimus ecclesie sue tamen iuribus libertatibus consuetudinibus ac privilegiis in omnibus salvis nos dicte ecclesie metropolitice honori nolentes in premissis detrahi vel iustitie derogari et dignum ducentes eiusdem ecclesie indemnitati prospicere confitemur hoc presenti scripto nichil iuris ecclesie nostre Norwicensi nostrisve successoribus quo ad consecrationem illorum extra Cantuariensem ecclesiam quocumque tempore faciendam debere adquiri huius optentu gratie liberaliter nobis facte seu pretextu consecrationis sic suscepte set nec dicte Cantuariensi ecclesie metropolitice vel priori et capitulo supradictis iuribus libertatibus consuetudinibus ac privilegiis eorundem in hoc derogasse intendimus cui tam iugi humilitatis affectu quam sincere devotionis obsequio cupimus et volumus obedire In cuius rei testimonium presens scriptum sigilli nostri impressionis munimine fecimus roborari Data London mense Maii anno Domini MCCLXX octavo