Charter Document - 03430192
| Charter Number: | 03430192 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Venerabili in Cristo patri domino Robertus Dei gratia Bathoniensi et Wellensi episcopo Willelmus eiusdem permissione Norwicensis episcopus salutem et sincere caritatis in Domino semper augmentum Amicos sub confidenti audacio precibus prevenimus quorum beneplacitis grata promptitudine volumus alligari Cum igitur executores testamenti domine Custantie de Tillebiri que nuper universe carnis diem suum clausit extremum quedam ipsos et nos specialiter tangentia occasione dicte executionis in curia domini nostri regis et per vos habeant expedienda dominationem vestram de qua plenam gerimus fiduciam duximus rogandam quatinus amore nostri negotia que lator presentium vive vocis oraculo plenius vobis exponet habere velitis recommendata eadem si placet promoventes cum effectu cum nos commoda et incommoda dictorum negotiorum attingere videantur que etiam specialiter cordi habemus ad presens tantum super hiis facientes si placet ut dicta negotia secundum Deum et iustitiam debitum sine ulteriori dilatione possit sortiri effectum Valete Datum apud Huntedon vii kalendas Martii anno Domini MCCLXX octavo