Charter Document - 03430178
| Charter Number: | 03430178 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1270 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Rogerus Dei gratia Norwicensis episcopus salutem in Domino sempiternam Noverit universitas vestra quod cum inter dilectos in Cristo filios priorem et conventum ecclesie sancte Trinitatis Norwic ex una parte et magistrum et fratres hospitalis sancti Egidii de Norwico ex altera super iure parochiali ecclesie sancte Elene in Norwico constructe sub muro dictorum prioris et conventus in cuius possessione utraque pars se asseruit extitisse controversia mota fuisset tandem partibus post multas altercationes hinc inde propositas super premissis ordinationi nostre simpliciter et absolute se supponentibus communicatorum virorum prudentium consilio ita duximus ordinandum videlicet quod totum ius parochiale dicte ecclesie sancte Helene cum omnibus pertinentiis per stratam communem ex parte aquilonali a ponte episcopi usque ad portam monasterii orientalem pacifice remaneat dicto hospitali magistro et fratribus loci eiusdem inperpetuum absque ullo clamio seu impedimento predictorum prioris et conventus salvis eisdem cimiterio ecclesie sancte Elene et domibus anachorite ad includendam vel removendum pro sue libito voluntatis sine impedimento magistri et fratrum et salva una marca argenti per annum ad opus infirmarie suea percipienda in duabus sinodis Norwic de predictis magistro et fratribus inperpetuum Ut igitur que coram nobis in hac parte acta sunt perpetue robur optineant firmitatis presenti scripto in modo cyrograffi confecto sigillum nostrum unacum sigillis partium duximus apponendum Actum apud Norwicum nonum kalendas Septembris anno Domini MCCLXX et pontificatus nostri anno quinto