Charter Document - 03430176
| Charter Number: | 03430176 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Inspeximus, Confirmation |
| Date: | 1277 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus presentes litteras visuris vel audituris Rogerus permissione divina humilis minister ecclesie Norwycensis salutem in Domino sempiternam Noverit universitas vestra nos audisse et inspexisse quedam instrumenta seu munimenta quibus continebatur bone memorie Iohannem et Thomam predecessores nostros quondam episcopos Norwycenses ecclesiam parochialem de Hyldelveston nostre dyocesis dominis priori et conventui nostre ecclesie sancte Trinitatis Norwyc in usus proprios concessisse perpetuo possidendam Nos vero hanc predictam concessionem ratam habentes eam quantum in nobis est tenore presentium confirmamus salvo nobis et successoribus nostris admittendi ad eorum presentationem vicarium perpetuum in eadem ad cuius vicariam nuper Henricum de Martham presbiterum ad eorum presentationem admisimus iure et potestate et in omnibus salvo iure et auctoritate nostra pontificali et successorum nostrorum In cuius rei testimonium precepimus hiis litteris sigillum nostrum apponi Dat apud Suthelmham quinto kalendas Novembris anno Domini millesimo CCLXX septimo et pontificatus nostri anno duodecimo