Charter Document - 03430172
| Charter Number: | 03430172 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus litteras presentes visuris vel audituris Rogerus Dei gratia Norwicensis episcopus salutem in Domino sempiternam Quoniam celeraria nostra gravaminibus et oneribus multis gravatur et maxime eo quod celerarius invenit in refectorio mappas et manutergia et facit refici ciphos coclearia et alia vasa a tali onere ipsam intuitu pietatis relevare volentes et ut refectorarius habeat unde per se dictum onus sustineat dilectis in Cristo filiis viris religiosis priori et conventui Norwic et eorum successoribus ecclesiam sancte Etheldrede virginis in Norwico que de eorum patronatu esse dinoscitur post decessum vel recessum nunc rectoris eiusdem ad opus refectorii in proprios usus concedimus possidendam Et cum vacaverit possessionem ingrediantur sine nostro vel successorum nostrorum assensu ulterius requirendo et cum possessionem dicte ecclesie adepti fuerint dicta celeraria a dicto onere inperpetuum relevetur In cuius rei testimonium presenti carte nostre sigillum nostrum apponi fecimus Dat Norwic quinto kalendas Septembris anno Domini millesimo CC septuagesimo et pontificatus nostri anno quinto