Charter Document - 03430171
| Charter Number: | 03430171 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 |
| Date type: | Internal, Calendar, Episcopal |
| Resource Link(s): |
|
Charter:
Universis Cristi fidelibus presentes litteras inspecturis vel audituris Rogerus miseratione divina Norwicensis ecclesie minister humilis salutem in Domino sempiternam Ad universitatis vestre notitiam volumus pervenire quod cum venerabiles patres predecessores nostri prout in cartis eorum inde confectis continetur filiorum suorum necessitati paternali affectione inducti subvenire volentes dilectis in Cristo filiis priori et conventui sancte Trinitatis Norwic ad opus celerari eiusdem ecclesie ecclesiam de Magna Cressingham cum suis pertinentiis reditibus obventionibus et aliis libertatibus in proprios usus perpetuo possidendam concesserunt nos pio moti spiritu bonorum ad dictam cellerariam spectantium exilitate ac continuorum sumptum nimis onerosa gravedine diligenter per rei evidentiam consideratis concessiones venerabilium patrum predecessorum nostrorum ratas et firmas habentes ac inviolabiles in firme soliditatis robore consistere volentes ad relevationem predicte celerari que propter bonorum insufficientiam graviter est oppressa favore religionis ac intuitu caritatis prenominatam ecclesiam cum pertinentiis et libertatibus suis quibuscumque prefatis priori et conventui in proprios usus inperpetuum possidendam tenore presentium confirmamus ita quod post decessum vel recessum magistri Walteri de Caletorp qui nunc rector existit in eadem liceat predictis priori et conventui eiusdem ecclesie de Magna Cressingham possessionem ingredi ac ea perpetuo et pacifice uti salvis tamen in omnibus nobis et successoribus nostris in dicta ecclesia iure pontificali et dignitate In cuius rei testimonium et robur perpetuum presentes litteras nostras sigilli nostri impressione signatas dictis priori et conventui fieri fecimus patentes Data apud Blieburgh sexto idus Iulii pontificatus nostri anno secundo