Charter Document - 03430169
| Charter Number: | 03430169 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1276 |
| Date type: | Internal, Episcopal |
| Resource Link(s): |
|
Charter:
Rogerus Dei gratia Norwicensis episcopus dilecto in Cristo magistro Godfridus de Nortun officiali consistorio Norwic salutem gratiam et benedictionem Ad aures nostras fama referente pervenit quod Iohannes dictus Payn de Norwico tenet quoddam mesuagium in eadem villa iacens inter mesuagium Roberti de Castre et viam regalem que vocatur Holmstrete a quo mesuagio duo solidi annui redditus ad sustentationem pauperum hospitalis sancti Pauli de Norwico fuerant assignati et in cuius redditus pacifica possessione dictum hospitale fuerat eundem pacifice percipiendo dictus Iohannes prefatum mesuagium tenens predictum redditum eidem hospitali per quinque annos detinuit et solvere non curavit dictum hospitale et prefatos pauperes spoliando in non modicum dictorum pauperum et hospitalis preiudicium et gravamen Quare vobis mandamus quatinus per viros fide dignos super premissis diligenter faciatis inquisitionem et si vobis de premissis constaret ille Iohannes ad predictum redditum solvendum per interdicti et excommunicationis sententias de die in diem canonica monitione premissa in personam suam promulgandis ratione prima compellatur Et quod inde faciatis nos infra octavas sancte Trinitatis per litteras vestras harum seriem continentes reddatis certiores Valete Datum apud Hevingham iii idus Maii pontificatus nostri anno undecimo