Charter Document - 03430163
| Charter Number: | 03430163 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Relaxation |
| Date: | 1266 |
| Date type: | Internal, A.D. |
| Resource Link(s): |
|
Charter:
Universis sancte matris ecclesie filiis Rogerus miseratione divina Norwycensis episcopus salutem in Domino sempiternam Obsequium Domino gratum prestare totiens opinamur quotiens ad pias operationes mentes fidelium excitamus Ad ipsorum igitur devotionem amplius excitandam de omnipotentis Dei misericordia gloriose virginis matris eius omniumque sanctorum meritis et precibus confidentes parochianis nostris ac aliis quorum diocesani ratam hanc nostram habuerint indulgentiam vere contritis et confessis qui ex devotione predicationem canonicorum Lincolnensis ecclesie audierint seu pro anima pie memorie Henrici quondam Lincolniensis episcopi et animabus omnium fidelium defunctorum ter orationem dominicam cum saluatione virginis gloriose pia mente dixerint viginti dies de iniuncta sibi penitentia misericorditer relaxamus In cuius rei testimonium sigillum nostrum presentibus est appensum Dat Kenelworth intrante mense Septembris anno gratie MCCLX sexto