Charter Document - 03430158
| Charter Number: | 03430158 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1267 |
| Date type: | Assigned |
| Resource Link(s): |
|
Charter:
Rogerus Dei gratia Norwicensis episcopus discreto viro priori de Kers et subpriori et celerario eiusdem domus amorem in Cristo et vite emendationem Pluries vobis auctoritate litterarum domini legati per nos et per officialem nostrum mandasse meminimus ut de procuratione domini legati de secundo anno sue legationis iam cepto nobis vel officiali nostro satis faceretis ac vos specialius requisiti et moniti nobis in premissis satisfacere minime curastis propter quod suspensionis et excommunicationis sententiam in vos per officialem nostrum latam incurrisse nitimini Dilectionem nostram volentes adhuc vobis deferre sicut sepius attentius requirimus et monemus vobis sub pena canonica firmiter precipiendo quatinus citra instans festum beati Iacobi apostoli de vi marcis de procuratione domini legati de secundo anno sui legationis absque ulteriori dilatione vel difficultate quolibet plenaria satisfacere procuretis alioquin vos domine prior ex tunc excommunicationis sententias quas contra vos proferimus in hiis scriptis noveritis vos incurrisse et vos domini prior et celerarius a divinis suspendimus acrius contra vos processurus quatenus vestra postulaverit in devotio Datum apud Sibeton iii idus Iulii