Charter Document - 03430157
| Charter Number: | 03430157 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1271 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus presentes litteras visuris vel audituris Rogerus permissione divina Norwicensis episcopus salutem in Domino sempiternam Ad universitatis vestre notitiam tenore presentium volumus pervenire quod nos caritatis intuitu totum annuum redditum quem Bartholomeus de Cranle pro quodam tenemento quod de nobis tenuit in villa de Hoxne nobis reddere consuevit prioratui de Hoxne et monachis ibidem Deo servientibus in puram et perpetuam elemosinam dedimus et concessimus et hac presenti carta nostra confirmavimus habendum et tenendum dicto prioratui et dictis monachis libere quiete et in pace absque omni servitio seculari consuetudine exactione et demanda In cuius rei testimonium presenti scripto sigillum nostrum apposuimus Datum apud Hevingham x kalendas Martii anno Domini MCC septuagesimo