Charter Document - 03430153
| Charter Number: | 03430153 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Ratification |
| Date: | 1267 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presentes litteras inspecturis vel audituris Rogerus permissione divina Norwicensis episcopus salutem in salutis auctore Cum magister Henricus Sampson quondam rector trium partium ecclesie de Felmingham nostre diocesis quarum dilecti nobis in Cristo abbas et conventus sancti Benedicti de Hulmo patroni esse dinoscuntur easdem tres partes sponte pure et absolute et canonice resignaverit ac resignatione dictarum trium partium facta et a nobis accepta idem abbas et conventus auctoritate cuiusdam indulgentie felicis recordationis domini Urbani pape quarti cuius tenorem de verbo ad verbum diligenter inspeximus possessionem predictarum trium partium postmodum adepti fuerint et ingressi nos privilegio sedis apostolice prout debemus reverenter cedentes possessionem eorum et ingressum benigne acceptavimus et devote ac super hoc presens scriptum sigilli nostri appositione roborari fecimus et muniri Dat apud Hoxne v kalendas Novembris anno Domini MCC sexagesimo septimo et pontificatus nostri anno secundo