Charter Document - 03430152
| Charter Number: | 03430152 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1272 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Henrico Dei gratia regi Angl illustri domino Hibern et duci Aquit R eiusdem permissione Norwicensis ecclesie minister humilis salutem et debite subiectionis reverentiam Cum Iohannes de Gutherston capellanus quondam vicedecanus de Kernewich Nicholaus Offer de Berton et Ricardus filius Thome de Gutherston in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in proprie salutis dispendium et multorum secum commorantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quod Dei timor a malo non revocat saltem pena temporalis cohibeat a peccato Valeat nobis dominatio vestra per tempora longa Dat apud Thorp vii kalendas Octobris anno Domini MCCLXX secundo