Charter Document - 03430148
| Charter Number: | 03430148 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1272 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Henrico Dei gratia regi Anglie illustri domino Hibernie et duci Aquitannie suus Rogerus eadem gratia Norwicensis ecclesie minister humilis salutem et debite subiectionis reverentiam Cum Gilbertus rector ecclesie de Holveston Iohannes de Hedeham rector ecclesie eiusdem Henricus de Fornham rector ecclesie de Helegeye Rogerus filius Roberti rector ecclesie de Disce Angelus rector ecclesie de Rede Galfridus de Burg rector ecclesie de Navelton Iohannes Mirabel rector ecclesie de Illeya Monachorum Henricus de Eysh rector ecclesie eiusdem abbas de Laungel magister Philippus de Salthus rector ecclesie de Geldeston nostre dioecesis in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in proprie salutis dispendium et multorum secum communicantium periculum pertinaciter perseverare minime formidant vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte exequi dignemini ut quos Dei timor a malo non revocat saltem cohercio temporalis cohibeat a peccato Valeat nobis dominatio vestra per tempora longa Datum apud Baketon vii kalendas Maii anno Domini MCCLXX secundo