Charter Document - 03430145
| Charter Number: | 03430145 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1271 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino H Dei gratia regi Anglie illustri domino Hibern et duci Aquit R permissione divina Norwicensis episcopus salutem et debite subiectionis reverentiam Cum abbates de Langele Leyston Wenling priores de Flicham sancti Bartholomei de Subir de Cruceroys de Huntedon abbatisse de Chateryz de Malling et de Cadamo rectores ecclesiarum de Oxeburgh de Swafham et Ho de Neketon medietatis ecclesie de Aylmerten de Norton sancti Andree de Brigham de Hokering de Eston de Saxlingham Nethergate in sententia excommunicationis per quadraginta dies et amplius iam steterint et adhuc in eadem claves ecclesie contempnendo in proprie salutis dispendium et multorum secum communicantium periculum pertinaciter perseverare minime formidant vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte exequi dignemini ut quos Dei timor a malo non revocat saltem cohercio temporalis cohibeat a peccato Vigeat et valeat nobis dominatio vestra per tempora longiora Dat apud Hoxne vi kalendas Ianuarii anno Domini MCCLXX primo