Charter Document - 03430134
| Charter Number: | 03430134 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1269 |
| Date type: | Internal, A.D., Feast |
| Resource Link(s): |
|
Charter:
Excellentissimo domino domino H Dei gratia regi Anglie illustri domino Hibern et duci Aquit R eadem gratia Norwicensis ecclesie minister humilis salutem et debite subiectionis reverentiam Cum Walterus dictus le Ruf de Gipewico nostre diocesis in sententia excommunicationis auctoritate ordinaria late per quadraginta dies et amplius iam steterit et adhuc in eadem in proprie salutis dispendium et multorum secum communicantium periculum claves ecclesie contempnendo pertinaciter perseverare minime formidat vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte exequi dignemini ut [quem Dei] timor a malo non revocat saltem cohercio temporalis cohibeat a peccato Vigeat et valeat nobis [dominatio vestra per] tempora diuturna Dat apud Torp in crastino beati Illarii anno Domini MCCLX octavo