Charter Document - 03430128
| Charter Number: | 03430128 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1268 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Henrico regi Anglie illustri domino Ibernie et duci Aquitannie suus Rogerus eadem gratia Norwicensis ecclesie minister humilis salutem et debite subiectionis reverentiam Cum nuper Alanus de Elyngham clericus nostre dioecesis coram iustic vestris apud Norwicum itinerantibus de morte Henrici dicti Cristemesse de Elyngham fuisset diffamatus ac idem coram dictis iustic noluit respondere sicut non debuit secundum privilegia ordinis clericalis clericis nostris ad recipiendum clericos diffamatos liberatus et nostro carceri mancipatus cuius quidem bona per vicecomitem Norf et Suff fuerint confiscata qui tandem coram clericis nostris de cimine sibi inposito per clericos et laicos canonice se purgavit et idem clerici nostri predictum Alanus a crimine predicto immunem decreverint et eundem absolverint placeat regie majestati vestre scribere vicecomiti Norf bona predicti Alanus per ipsum are stata eidem facere liberari Vigeat et valeat nobis dominatio vestra per tempora longiora Datum apud Baketon iii idus Iulii anno Domini MCCLX octavo