Charter Document - 03430127
| Charter Number: | 03430127 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1268 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Henrico Dei gratia regi Anglie illustri domino Hibernie et duci Aquit[anie] suus Rogerus eadem gratia Norwicensis ecclesie minister humilis salutem et debite subiectionis reverentiam Cum auctoritate dioecesana ex officio nobis iniuncto decano et capitulo Cicestrensibus iuxta ordinationem venerabilis patris bone memorie Walteri quondam Norwicensis episcopi predecessoris nostri ecclesiam de Mendlesham assignaverimus ac in eadem per officialem archidiaconi loci prout moris est dicti capituli procuratorem nomine capituli fecerimus induci quidam laici proprie salutis immemores Deum per oculis non habentes procuratorem eiusdem capituli ecclesiam predictam et domos ad ipsam spectantes licet moniti quam pluries ingredi non permittunt de domo Dei castrum facientes Cum igitur regia maiestas tales cohibere consuevit excellentie vestre supplicamus [ut] dignemini predictam vim laicalem per vicecomitem Norf et Suff amoveri precipere Vigeat et valeat nobis dominatio vestra per tempora diuturna Datum apud Lamburn iiii nonas Iunii anno Domini MCCLX octavo