Charter Document - 03430119
| Charter Number: | 03430119 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1268 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Henrico Dei gratia regi Anglie illustri domino Ibernie et duci Aquitannie Rogerus eadem gratia Norwicensis ecclesie minister humilis salutem et debite subiectionis reverentiam Cum Reynerus filius Ricardi Custance de Brunham nostre dioecesis in sententia excommunicationis auctoritate ordinaria late per quadraginta dies et amplius iam steterit et adhuc in eadem in proprie salutis dispendium et multorum secum communicantium periculum claves ecclesie contempnendo pertinaciter perseverare minime formidat vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte exequi dignemini ut quem Dei timor a malo non revocat saltem cohercio temporalis cohibeat a peccato Vigeat et valeat nobis dominatio vestra per tempora diuturna Datum apud Tornham xvii kalendas Aprilis anno Domini MCC sexagesimo septimo