Charter Document - 03430114
| Charter Number: | 03430114 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 |
| Date type: | Internal, A.D., Calendar |
| Resource Link(s): |
|
Charter:
Excellentisimo domino Henrico Dei gratia regi Anglie illustri domino Ibernie et duci Aquitannie Rogerus permissione divina Norwicensis ecclesie minister humilis salutem et debite subiectionis reverentiam Cum Willelmus Randulf de Medefeud et Matildis la Galbeye de eadem in sententia excommunicationis auctoritate ordinaria late per quadraginta dies et amplius iam steterint et adhuc in eadem in proprie salutis dispendium et aliorum secum communicantium periculum claves ecclesie contempnendo pertinaciter perseverent vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte exequi dignemini ut quod Dei timor a malo non revocat saltem cohercio temporalis cohibeat a peccato Vigeat et valeat nobis dominatio vestra per tempora diuturna Datum [apud] Tob iii kalendas Ianuarii anno Domini MCC sexagesimo septimo