Charter Document - 03430113
| Charter Number: | 03430113 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino H Dei gratia regi Angl illustri domino Hibern et duci Aquit suus R permissione divina Norwicensis ecclesie minister humilis salutem et debite subiectionis reverentiam Cum prior de Letheringham nostre diocesis in sententia excommunicationis auctoritate ordinaria late per quadraginta dies et amplius iam steterit et adhuc in eadem in proprie salutis dispendium et multorum secum communicantium periculum claves ecclesie contempnendo perseverare minime formidat vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte exequi dignemini ut quem Dei timor a malo non revocat saltem cohercio temporalis cohibeat a peccato Vigeat et valeat nobis dominatio vestra per tempora diuturna Dat apud Alderford xvi kalendas Ianuarii anno Domini MCCLX septimo