Charter Document - 03430111
| Charter Number: | 03430111 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 |
| Date type: | Internal, A.D., Calendar |
| Resource Link(s): |
|
Charter:
Reverentissimo domino Henrico Dei gratia illustri regi Anglie domino Hybernie et duci Aquitannie Rogerus eadem gratia Norwicensis ecclesie minister humilis salutem et debite subiectionis reverentiam Cum Robertus rector ecclesie de Askeby in Lutinglond nostre dioecesis in sententia excommunicationis per quadraginta dies et amplius auctoritate ordinaria steterit et in eadem in proprie salutis dispendium et multorum secum communicantium periculum claves ecclesie contempnendo pertinaciter perseveret vestre supplicamus dominationi [quatinus] cum ecclesia Dei nichil habeat quid ultra faciat quod vestrum est in hac parte si placet exequi dignemini ut quem Dei timor a malo non revocat saltem cohercio temporalis cohibeat a peccato Vigeat nobis dominatio vestra per tempore diuturna Datum apud Costeseye xvi kalendas Augusti anno Domini MCCLX septimo