Charter Document - 03430110
| Charter Number: | 03430110 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1266 |
| Date type: | Internal, A.D. |
| Resource Link(s): |
|
Charter:
Excellentissimo domino Henrico Dei gratia illustri regi Anglie domino Ybernie duci Aquitannie Rogerus divina miseratione Norwycensis ecclesie minister humilis salutem cum omni reverentia obsequio et honore Cum domina Alicia uxor Roberti de Cokfeud et dominus Robertus de Agnis executores testamenti predicti Roberti de Cokfeud defuncti nostre dyoecesis in excommunicatione iam steterunt per quadraginta dies et amplius et adhuc in salutis sue dispendium et aliorum cum eis communicantium perseverent in eadem claves ecclesie pertinaciter contempnendo excellentie vestre supplicamus quatinus cum ecclesia Dei non habeat quid ultra faciat precipiatis de eisdem fieri iustitie complementum ut quos Dei timor a malo non revocat saltem cohercio secularis cohibeat a peccato Valeat dominatio vestra per tempora diuturna Datum apud Baketon kalendis Octobris anno Domini MCCLX sexto