Charter Document - 03430106
| Charter Number: | 03430106 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1268 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus presentes literas inspecturis vel audituris Rogerus divina miseratione Norwicensis episcopus salutem in Domino sempiternam Pie religionis attendentes fervorem quo dilecte in Cristo filie moniales de Flixton vigere dinoscuntur gratie in nobis credite largitionem eisdem decernimus non deesse Nos igitur de assensu et voluntate domine Margerie de Crek fundatricis domus dictarum monialium de Flixton patronarum medietatis ecclesie de Flixton eandem medietatem dicte ecclesie de Flixton prefatis monialibus in proprios usus concessimus perpetuis temporibus possidendam salvis nobis et ecclesie nostre Norwycensi in omnibus iure et dignitate salva etiam sufficienti vicaria in eadem ad quam dicte moniales cum vacaverit libere nobis et successoribus nostris presentabunt Ad huius rei perpetuam memoriam sigillum nostrum presentibus literis fecimus apponi Dat apud Baketon septimodecimo kalendas Augusti anno gratie millesimo ducentesimo sexagesimo octavo