Charter Document - 03430105
| Charter Number: | 03430105 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1266 |
| Date type: | Internal, Calendar, Episcopal |
| Resource Link(s): |
|
Charter:
Rogerus Dei gratia Nowycensis episcopus dilectis sibi in Cristo filiabus priorisse et monialibus de Flixton salutem gratiam et benedictionem Cum vestrum monasterium sit noviter per nobilem mulierem dominam Margeriam de Crek auctoritate pontificali constructum sub exili tamen sustentatione velut nova plantula munaminis rigationem desiderans ac nos non solum plantare religionem sed plantatam fovere modis omnibus debeamus vobis volentes in hiis que profectui vestro sunt necessaria subvenire ne pro ipsorum defectu vestra devotio seu numerus miniatur in posterum sed ut potius recipere valeat incrementum ecclesiam de Nortcrek in qua patronatum optinetis vobis Iohanne de Crek rectore eiusdem cedente vel decedente in usus proprios pietatis intuitu concedimus possidendam potestate vicariam sub congruis portionibus in eadem taxandi cuius collationem nobis et nostris successoribus reservamus nobis retenta salvis etiam nobis et successoribus nostris ac ecclesie Nowycensi in omnibus iure et dignitateDat Norwyc octavo kalendas Decembris pontificatus nostri anno primo