Charter Document - 03430101
| Charter Number: | 03430101 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia regi Angl illustri domino Hibern et duci Aquitan Rogerus miseratione divina Norwycensis ecclesie minister humilis salutem et debite subiectionis reverentiam Cum Rogerus de Thurningg carpentarius et Iohannes le Coteler de Horsted commorans in Norwyco in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat pena saltem temporalis cohibeat a peccato Valeat nobis dominatio vestra per tempora diuturna Dat apud Suthelmham idibus Novembris anno gratie millesimo ducentesimo septuagesimo septimo