Charter Document - 03430097
| Charter Number: | 03430097 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia regi Angl illustri domino Hibern et duci Aquitan R eiusdem permissione humilis minister ecclesie Norwicensis salutem et debite subiectionis reverentiam Cum prior de Castelacr Robertus de Nasestoke Benedictus de Theford Thomas del Ewe Simon Marescall et Iohannes Brunman in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus quatinus cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat nobis dominatio vestra per tempora diuturna Dat apud Suthelmham vii kalendas Septembris anno Domini MCCLXX septimo