Charter Document - 03430095
| Charter Number: | 03430095 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hibernie et duci Aquitannie Rogerus eiusdem dono gratie Norwicensis episcopus salutem et debite subiectionis reverentiam Cum Iohannes filius Egidii rector ecclesie de Kyningham in sententia excommunicationis auctoritate ordinaria late per quadraginta dies et amplius iam steterit et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formidet dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quem Dei timor a malo non revocat pena saltem temporalis cohibeat a peccato Valeat nobis dominatio vestra per tempora diuturna Datum apud Northelmham vi kalendas Augusti anno Domini MCCLXX septimo