Charter Document - 03430083
| Charter Number: | 03430083 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1276 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hibernie et duci Aquitannie Rogerus eiusdem permissione Norwycensis ecclesie minister humilis salutem et debite subiectionis reverentiam Cum Andreas Odelin de Bramtone et Alicia uxor eiusdam in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat nobis reverenda dominatio vestra per tempora diuturna Datum London xvi kalendas Novembris anno Domini MCCLXX sexto