Charter Document - 03430079
| Charter Number: | 03430079 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1276 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia regi Angl illustri domino Hibern et duci Aquit Rogerus eiusdem dono gratie Norwycensis episcopus salutem et debite subiectionis reverentiam Cum Iohannes filius Willelmi de Stratton Adam de Aulthoun Iohannes Pelegrym Robertus de Carlewod Walterus molendinarius iunior et Iohannes Terpyn in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat pena saltem temporalis cohibeat a peccato Valeat nobis dominatio vestra per tempora diuturna Dat apud Thornhegg x kalendas Augusti anno Domini MCC septuagesimo sexto