Charter Document - 03430077
| Charter Number: | 03430077 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D. |
| Resource Link(s): |
|
Charter:
Excellentissimo domino domino Edwardo Dei gratia illustri regi Angl domino Hibern et duci Aquitan Rogerus permissione divina Norwicensis ecclesie minister humilis salutem et debite subiectionis reverentiam Cum Henricus de Corton capellanus in sententia excommunicationis auctoritate ordinaria late per quadraginta dies et amplius iam stererit et adhuc in eadem claves ecclesie contempnendo in proprie salutis dispendium et multorum secum communicantium periculum pertinaciter perseverare non formidet dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quem timor Dei a malo non revocat pena saltem temporalis cohibeat a peccato Valeat nobis dominatio vestra per tempora longa Actum apud Suthelmham kalendis Februarii anno Domini millesimo ducentesimo septuagesimo quinto