Charter Document - 03430070
| Charter Number: | 03430070 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia illustri regi Angl domino Hibern et duci Aquit Rogerus permissione divina Norwycensis ecclesie minister humilis salutem et debite subiectionis reverentiam Cum Rogerus le Mercer de Lidgate Iohannes Randolf de Asseli Thomas le Bel de Honisden Willelmus le Dispenser de eadem Ricardus Troppele Henricus clericus de Cavele Reginaldus le Machun de Silverle et Galfridus Huneman de Assele in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat pena saltem temporalis cohibeat a peccato Valeat nobis dominatio vestra per tempora diuturna Dat London xiii kalendas Novembris anno Domini MCCLXX quinto