Charter Document - 03430065
| Charter Number: | 03430065 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia regi Angl illustri domino Hibern et duci Aquit R permissione divina Norwicensis ecclesie minister humilis salutem et debite subiectionis reverentiam Cum Willelmus le Kyng capellanus Basil le Marchand Alicia uxor Iohannis Wodekyn Iohannes le Orfevere de Donewico Rogerus Burchard Cecilia uxor sua Iohannes Criket et Rogerus de Smalethorn in sententia excommunicationis per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formidet dominationi vestre supplicamus cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat dominatio vestra per tempora longa Dat apud Thorned idibus Iulii anno Domini millesimo ducentesimo septuagesimo quinto