Charter Document - 03430055
| Charter Number: | 03430055 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia illustri regi Anglie domino Hibernie et duci Aquitannie Rogerus eadem permissione Norwycensis ecclesie minister humilis salutem et debite subiectionis reverentiam Exhibitum nobis dominationis vestre mandatum inter cetera continebat ut nos in parliamento vestro post festum sancti Michaelis proxime futurum coram vobis apud Westm presentiam nostram exhibeamus super discordia inter ecclesiam nostram Norwycensem et cives civitatis eiusdem habita cedenda vobiscum tracturi relaxatis interim interdicti et excommunicationis sententiis in civitatem antedictam et cives eiusdem promulgatis Nos autem precibus vestris et preceptis quatenus mediocritatis nostre se vires extendunt obtemperare volentes in omnibus dicto parliamento vestro vita et sanitate nobis commutantibus intererimus ut debemus vestro instructioni parituri Verum cum [tam] iura canonica quam statuta legatorum omnibus ecclesie prelatis inhibeant expresse ne interdictum in civitates et castra aut alia loca promulgatum nisi prestita prius satisfactione relaxent ac causa super predictis sententiis excommunicationis et interdicti [sit] totaliter a nobis ad sedem apostolicam devoluta et ibidem adhuc pendeat indecisa mandatum vestrum quoad relaxationem sententiarum earundem exequi non possumus de quo adolemur Vigeat et valeat nobis dominatio vestra per tempora diuturna Datum apud Bromhill iii nonas Iunii anno Domini MCC septuagesimo quinto