Charter Document - 03430053
| Charter Number: | 03430053 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia illustri regi Anglie domino Hibernie et duci Aquitannie Rogerus miseratione divina Norwycensis ecclesie minister humilis salutem et debite subiectionis reverentiam Cum Radulphus rector ecclesie de Taterford Robertus dictus Cote de Horseye Ricardus filius Radulphi Carpentarii de Wymundham Thomas Sule de Bestorp Willelmus Lewyne de Marlingford et Iohanna de la Forthe mulier in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat nobis dominatio vestra per tempora diuturna Datum apud Bromhill iiii kalendas Iunii anno Domini millesimo ducentesimo septuagesimo quinto