Charter Document - 03430051
| Charter Number: | 03430051 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Eadwardo Dei gratia illustri regi Angl domino Hibern et duci Aquitan Rogerus permissione divina Norwycensis episcopus salutem et debite subiectionis reverentiam Cum Adam ad Ecclesiam de Gymingham in sententia excommunicationis auctoritate ordinaria late per quadraginta dies et amplius iam steterit et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formidet dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quem Dei timor a malo non revocat saltem pena temporalis cohibeat a peccato Valeat nobis dominatio vestra per tempora diuturna Dat apud Theff nonis Aprilis anno Domini millesimo ducentesimo septuagesimo quinto