Charter Document - 03430043
| Charter Number: | 03430043 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia illustri regi Angl domino Hibernie et duci Aquitan R eadem permissione Norwycensis ecclesie minister humilis salutem et debite subiectionis reverentiam Cum Hugo Mast de Hempton laicus in sententia excommunicationis per quadraginta dies et amplius auctoritate ordinaria late iam steterit et adhuc in eadem claves ecclesie contempnendo in proprie salutis dispendium et multorum secum communicantium periculum pertinaciter perseverare non formidet dominationi vestre supplicamus quatinus cum ecclesia Dei nichil habeat ultra quid faciat quod vestrum est in hac parte exequi dignemini ut quem timor Dei a malo non revocat saltem pena temporalis cohibeat a peccato Valeat et vigeat nobis dominatio vestra per tempora longiora Dat apud Baketun iii kalendas Ianuarii anno Domini MCCLXX quarto