Charter Document - 03430040
| Charter Number: | 03430040 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hibernie et duci Aquitannie Rogerus permissione divina Norwicensis ecclesie minister humilis salutem et debite subiectionis reverentiam Cum nonnulli maligne mentis homines spiritu nefando ducti se in ecclesiam de Kirkestede intruserunt et eandem manu laicali detineant occupatam iidemque malefici sententias nostras contempnentes se per ecclesiasticam disciplinam iustificari non permittant dominationi vestre digniter duximus supplicandum quatinus quod vestrum est in hac parte exequi dignemini Valeat nobis dominatio vestra per tempora longa Datum apud Thorneg xii kalendas Septembris anno Domini MCCLXX quarto