Charter Document - 03430039
| Charter Number: | 03430039 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D. |
| Resource Link(s): |
|
Charter:
Excellentissimo domino domino Edwardo Dei gratia regi Angl illustri domino Hibernie et duci Aquitan Rogerus permissione divina Norwycensis ecclesie minister humilis salutem et debite subiectionis reverentiam Cum Arnalus Burel de Codenham Robertus de Piro de Stanesfeld Iohannes Hamund de Ash Adam de Redgrave presbiteri et Mabilis Wade de Codenham in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat nobis dominatio vestra per tempora longa Dat apud Baketon viii idus Maii anno Domini millesimo ducentesimo septuagesimo quarto