Charter Document - 03430032
| Charter Number: | 03430032 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hibernie et duci Acquitannie Rogerus permissione divina Norwycensis ecclesie minister humilis salutem et debite subiectionis reverentiam Cum Alanus filius Roberti de Lund Bartholomeus clericus rectoris de Lund Rogerus de Boyton et Henricus le Syre in sententia excommunicationis auctoritate ordinaria late iam steterint per quadraginta dies et in eadem claves ecclesie contempnendo in proprie salutis dispendium et multorum secum communicantium periculum perseverare usque huc non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos timor Dei a malo non revocat saltem pena temporalis cohibeat a peccato Valeat et vigeat dominatio vestra per tempora diuturna Datum apud Hoxn nono kalendas Martii anno Domini millesimo ducentesimo septuagesimo tertio