Charter Document - 03430031
| Charter Number: | 03430031 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hybernie et duci Aquitannie Rogerus permissione divina Norwycensis ecclesie minister humilis salutem et debite subiectionis reverentiam Cum Henricus rector ecclesie de Ass Radulfus rector ecclesie de Tatersford Arnoldus Burel de Codeham capellanus Iohannes capellanus de Mangna Belynges et Statius de Framlingham in Cleydon in sententia excommunicationis auctoritate ordinaria late per quadraginta dies et amplius iam steterint et adhuc in eadem claves ecclesie contempnendo in proprie salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat dominatio vestra per tempora longa Datum apud Terlinge iiii nonas Februarii anno Domini MCCLXX tertio