Charter Document - 03430022
| Charter Number: | 03430022 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1273 |
| Date type: | Internal, A.D. |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hibernie et duci Aquitannie Rogerus permissione divina Norwicensis ecclesie minister humilis salutem et debite subiectionis reverentiam Cum Iohannes Dionis Robertus Sparewe Ricardus Clewe Edmundus de Bulonia et Ricardus Fichet de Donewico laici in sententia excommunicationis per quadraginta dies et amplius iam steterint et adhuc in eadem claves ecclesie contempnendo in sue salutis dispendium et multorum secum communicantium periculum pertinaciter perseverare non formident dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quos Dei timor a malo non revocat saltem pena temporalis cohibeat a peccato Valeat nobis dominatio vestra per tempora longa Datum apud Gaywode quarto Idus Iulii anno Domini millesimo ducentesimo septuagesimo tertio