Charter Document - 03430019
| Charter Number: | 03430019 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1273 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino Edwardo Dei gratia regi Anglie illustri domino Hibernie et duci Aquitannie Rogerus eiusdem permissione Norwicensis ecclesie minister humilis salutem et debite subiectionis reverentiam Cum Ricardus de Winythom clericus in sententia excommunicationis auctoritate ordinaria late per quadraginta dies et amplius iam steterit et adhuc in eadem claves ecclesie contempnendo in proprie salutis dispendium et multorum secum communicantium periculum pertinaciter perseverare non formidet dominationi vestre supplicamus [quatinus] cum ecclesia Dei non habeat ultra quid faciat quod vestrum est in hac parte exequi dignemini ut quem Dei timor a malo non revocat saltem pena temporalis cohibeat a peccato Valeat nobis dominatio vestra per tempora longa Datum London v kalendas Februarii anno Domini MCCLXX secundo