Charter Document - 03430013
| Charter Number: | 03430013 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Universis Cristi fidelibus presentes litteras visuris vel audituris Rogerus Dei gratia Norwycensis episcopus salutem in Domino sempiternam Noverit universitas vestra quod cum inter priorem de Buttell et eiusdem loci conventum rectores ecclesie de Kylvardeston actores originaliter ex una parte et priorem et conventum de Cokesford habentes terras et possessiones in eadem villa de Kylvardeston reos ex altera super decimis lane et agnorum ac aliis minutis decimis [proveni]entibus de manerio suo in eadem villa de Kylverdeston prope Thetford et Norwycensis dioecesis ac etiam de animalibus ad dictum manerium spectantibus coram diversis iudicibus extraordinar[iis] hinc inde impetratis esset orta materia questionis videlicet cum dicta controversia dilationibus exceptionibus necnon et appellationibus hinc inde propositis et interiectis per non modicum tempus esset procellata seu dilatata ita quod immortalis nos consideratis et perpensis controversie predicte periculis que hinc inde predictis religiosis si contigerit predictam controversiam durare diutius possent evenire affectantes prout ex sollicitudinis pastoralis cura tenemur quietem subditis nostris precipue religiosis ne eis decet materia vagandi preparare de consensu partium expresso sic inter predictos amicabiliter duximus componere videlicet quod dicti prior et conventus de Cokesford solvent singulis annis prefatis priori et conventui de Buttell medietatem decime provenientis de lana et agnis vitulis porcellis butiri casei ac omnibus aliis minutis decimis de dicto manerio provenientibus exceptis decimis omnium generum leguminis crescentium in orto dicti manerii qui nunc est aliam autem medietatem decimarum prenominatarum dicti prior et conventus de Cokesford penes se retinebunt quiete et pacifice integraliter sine omni contradictione Quantum vero ad molendinum aquaticum spectans ad manerium eorundem in villa de Kilvardeston cum piscaria eiusdem dicti prior et conventus de Cokesford predictis priori et conventui de Buttell decimas plenaria secundum ius commune persolvent salva decima decem solidorum quos solvent priori et conventui de Theford dicti prior et conventus de Cokesford pro molendino predicto aquatico quousque cartam feoffamenti dicti annui redditus decem solidorum plenius perspexerimus et super eadem deliberaveramus et tunc de consensu partium super decima decem solidorum inter predictos amicabiliter componemus Et partes prefate renuntiantes omnibus processibus hinc inde super dictis decimis et controversiis prefatis coram diversis iudicibus arbitris [seu de]legatis diutius habitis et in posterum habendis nostre potestati et iurisdictioni et cohercioni et successorum nostrorum episcoporum in ecclesia Norwycensi pu[blice et] absolute se supposuerunt videlicet quod nos et successores nostri partem venientem contra huiusmodi compositionem nostram in toto vel in aliqua sui [parte] absque strepitu iudiciali et cause cognitione ad omnium premissorum et singulorum observationem per interdicti et excommunicationis sententias de die in diem ferendas possimus compellere In cuius rei testimonium presentibus instrumentis super predicta compositione confectis in modum cyrografi sigillum nostrum unacum sigillis capitulorum predictorum de Butell et Cokesford apponi fecimus Acta sunt hec apud Norwycum in capella nostra [die] Iovis proxima ante festum sancti Benedicti abbatis anno Domini MCC septuagesimo