Charter Document - 03421339
| Charter Number: | 03421339 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Summons |
| Date: | 1295 |
| Date type: | Internal, A.D., Calendar, Episcopal |
| Resource Link(s): |
|
Charter:
Robertus permissione divina Cantuar archiepiscopus totius Anglie primas venerabili fratri domino Ricardus dei gratia London episcopo salutem et fraternam in domino caritatem Emergentium nuper necessitas nos inducit confratres et coepiscopos nostros celerius quam in mente concepimus aut iuxta qualitatem temporis opportunum existeret convocare Tanta igitur necessitate compulsi fraternitati vestre committimus et mandamus quatinus cum celeritate qua fieri poterit oportune omnes et singulos coepiscopos et suffraganeos nostre provincie convocari ac citari peremptorie faciatis ut omni evitabili qualitercumque excusatione postposita que si pretensa extiterit nullatenus admittetur idus Iulii apud Novum Templum London ad tractandum dicto die et diebus sequentibus proximis quamdiu oportunum extiterit nobiscum super articulis arduis statum totius ecclesie provincie antedicte et omnium personarum ecclesiasticarum eiusdem tangentibus in virtute sancte obedientie quame nobis et ecclesie nostre Cantuar exhibere iuramento prestito personaliter sunt professi et sub pena districtionis canonice suam exhibeant presentiam personalem Vos etiam eisdem die et loco personaliter ad id idem postpositis aliis intersitis De die vero receptionis presentium et quid inde feceritis nos dictis die et loco vestris patentibus litteris harum tenorem habentibus curetis reddere certiores Datum apud Otteford iiii nonas Iunii anno domini MCC nonagesimo quinto consecrationis nostre primo