Charter Document - 03421334
| Charter Number: | 03421334 |
|---|---|
| Cartulary Title: | London 1280-1303 Volume 39 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Frater I permissione divina Cantuar ecclesie minister humilis totius Angl primas venerabili in Cristo fratri domino dei gratia [] episcopo London salutem et sinceram in Domino caritatem Noveritis nos mandatum sanctissimi patris domini Martini pape iiii cuius tenorem de verbo ad verbum vobis sub sigillo nostro transmittimus recepisse Et quoniam in eodem mandato nostre sollicitudinis studium circa liberationem domini Almarici de Monteforti multipliciter excitatur fraternitate vestrea tenore presentium committimus et firmiter iniungendo mandamus quatinus idem mandatum venerabilibus fratribus et coepiscopis nostris per vestras literas notificetis cum celeritate qua decet citantes eosdem nichilominus peremptorie quod die tertia post instans festum Purificationis beate Virginis apud Novum Templum Lond conveniant una nobiscum iuxta formam in predicto mandato contentam in iam tacto negotio processuri Vos etiam die predicta ibidem unacum aliis interstitis Quid autem circa hoc feceritis nobis dicte die et loco per vestras patentes literas fideliter nuntietis Dat apud Lameh v kal Ianuarii anno Domini MCCLXXXI