Charter Document - 03421317

In Dei nomine amen Ortis dudum et duicius agitatis inter magistrum Thomam de Geytinton ecclesie de Hadham London dyocesis ea vice rectorem primo et postmodum inter magistrum Robertum de Ros qui dicto Thome immediate in eadem rectoria successit petentes ex parte una et [] priorem et [] conventum ecclesie Elyens defendentes ex altera super maioribus decimis provenientibus annuatim de tribus carucatis terre in Parva Hadham cuius ecclesia ecclesie de Magna Hadham predicte dinoscitur esse capella videlicet de duabus carucatis terre dominice domini Elyens episcopi et de una carucata terre que vocatur Virleyslond diversis contencionibus litibus et querelis quandoque ex officio et quandoque ad instanciam et promocionem dictorum Thome et Roberti utraque dictarum pertinenciarum pro se et sua ecclesia iura varia tam ius quam possessionem in decimis memoratis sonancia proponentibus videlicet dicto rectore pro se et sua ecclesia ius commune et diffinitivam sentenciam pro eadem ecclesia de Hadham ut asseruit super eisdem decimis per competentem iudicem rite latam et religiosis predictis ius antiquum et speciale sufficiens per papam legitime confirmatam et antiquissimam insimul possessionem a tempore cuius principii memoria non existit continuatam in eisdem decimis et sufficientem revocacionem dicte sententie per iudicem competentem et eiusdem Thome rectoris iuri si quod sibi competebat retinacionem ac in quedam alia contra eandem sentenciam et intencionem utriusque rectoris proponentibus de quibus multiplex inter partes predictas oriebatur circa premissa dubietas et discordia Demum interveniente pacis auctore et domini Ricardi dei gratia London episcopi loci diocesani consensu et auctoritate de singulis controversiis predictis et quacumque in hac parte litis et contencionis materia inter partes easdem per fratres Petrum de Reche et Willelmum de Clare commonachos et procuratores dictorum religiosorum plenam et specialem ad id potestatem habentes et prefatum magistrum Robertum de Roos rectorem personaliter competentem pro se et sua ecclesia sic erat pro bono pacis et tranquillitate parcium ac commodo dictarum ecclesiarum compositum et consensum videlicet quod omnes maiores decime bladi et leguminis provenientes inposterum de quinquies viginti et duabus acris et dimidia terre dominice dicti [] episcopi Elyens in campo de Suthfeld et totis campis de Lymstede Welmstede et Halmstede dominicis domini Elyens episcopi in eius manibus tempore confectionis presencium existentis et existentibus item decima feni infuturum proveniens de quinque acris et dimidia prati in Langemade item de tribus acris et dimidia prati in Le Dane item de una acra et dimidia prati in Halmstede et de tribus rodis prati in Holm iuxta Ripam ex parte orientali necnon medietas decime molendini domini Elyens episcopi et medietas ecime venacionis de parco eiusdem episcopi in Parva Hadham ad ecclesiam Elyens dictosque [] priorem et conventum ac suos successores infuturum pertineant et remaneant pleno iure et iidem religiosi decimas ipsas plene percipient et inde pacificam habeant possessionem continuam inconcussam imperpetuum in quibus decimis seu quacumque parte earum ecclesia supradicta ad Hadham seu quicumque rector eiusdem vel eius successores ibidem rectores nullum ius habeant vel habere vel clamare valeant qu [] Residuum vero dictarum decimarum de tribus carucatis predictis inposterum proveniencium videlicet de tota terra le Virly et eius tenencium et de toto campo de Stockyngg et de viginti una acris terre in campo de Westfeld [] sex acris terre de tenentibus domini Elyens episcopi et de triginta acris terre in Suthfeld videlicet in Estmareschoyt necnon decima feni in futurum proveniens de tribus acris et dimidia et una roda prati in Littlemade [] dimidia prati in Wymarkesmade et una acra et una roda prati in Brodemade et tribus rodis in Holm iuxta Ripam ex parte occidentali insuper etiam medietas decime dicti molendini et medietatas decime una [] predicte ad dictam ecclesiam de Hadham et rectores eiusdem qui erunt pro tempore pertineant imperpetuum et eas plene et pacifice percipiant et quiete futuris temporibus suo iure in quibus decimis seu parte earum dicti religiosi nullum ius in futurum valeant vendicare Omnesque processus in quacumque curia super hiis vel eorum occasione prius habiti et quecumque sentencie a quibuscumque iudicibus seu a quocumque iudice qualitercumque prolate et quicquid ex ipsis processibus seu sentenciis subsecutum extiterat necnon omnia impetrata et impetranda per que presens composicio infirmari seu impediri valeret penitus subducantur viribusque careant et effectum et ab ipsis processibus ac sentenciis antedictis ex certa sententia animo novandi hoc acto specialiter et expresse per presentem composicionem partes predicte intendunt recedere et recedunt Partes etiam antedicte videlicet dictus rector pro se et successoribus suis suaque ecclesia memorata omni iuri sibi seu sue ecclesie in dictis porcionibus decimarum prefatis religiosis ut premittittur deputatis et [] religiosi predicti omni iuri sibi seu sue ecclesie supradicte in aliis porcionibus dicto rectori assignatis ut supra quomodolibet competens seu competituro imposterum cedunt et renunciant per presentes salvo partibus antedictis et ecclesiis suis ac eorum successoribus in eisdem decimis quatinus pro eis supra specificantur hinc inde iure perpetuo in forma superius annotata In cuius rei testimonium sigilla dictarum parcium hinc inde presentibus una cum sigillo officialitatis London eisdem sigillis ad eorum probacionem dumtaxat per modum collacionis apposito sunt appensa Actum et datum apud Hadham quinto kalend Februarii anno domini millesimo tricentesimo